Дар доираи эълон гардидани “Соли маърифати ҳуқуқӣ” ва пешвои 30-юмин солгарди Конститутсияи соҳибистиқлоли Тоҷикистон директори Муассисаи давлатии «Маркази ёрии ҳуқуқӣ”-и Вазорати адлияи ҶТ муҳтарам Насрулло Солеҳзода, сармутахассиси шуъбаи кадрҳо ва коргузории муассиса Шарифзод Абдулазиз дар якҷоягӣ бо муовини раиси шаҳри Хуҷанд Ҷамшед Парвиззода дар толори марказии шаҳр бо кормандони касбу кори гуногун суҳбату вохӯрӣ баргузор намуданд.
Зимни вохӯрӣ роҳбарияти Маркази ёрии ҳуқуқӣ роҷеъ ба маърифати ҳуқуқӣ баромад намуда, иброз доштанд, ки маърифати ҳуқуқӣ маҷмуи андешаҳои одамон дар бораи қонун, татбиқи он ва фаъолияти ҳифзи ҳуқуқ мебошад, ки дар шакли дониш, эътиқод, меъёрҳо ва муносибатҳои аз ҷониби ҷомеа қабулшуда ташаккул ёфтааст. Арзишҳои ҳуқуқӣ арзишҳое фаҳмида мешаванд, ки дар қонун комилан ё қисман таҷассум ёфтаанд. Дар айни замон муҳимтарин арзишҳои демократӣ барои шаҳрвандони Тоҷикистон озодӣ, ҳуқуқи инсон ва сулҳу суботи давлат мебошанд.
Ҳамзамон дар идома ҳуқушиноси давлатӣ роҷеъ ба ташаккул додани низоми устувори рафтори ҳуқуқӣ, оштинопазирӣ нисбат ба ҳама гуна ҳуқуқвайронкунӣ ва ногузир будани масъулияти ҳуқуқӣ, васеъ намудани дастрасии шаҳрвандон ба иттилооти ҳуқуқӣ, барои пурра дарк намудани “Соли маърфиати ҳуқуқӣ” ва баланд бардоштани сатҳи маърифати ҳуқуқии шаҳрвандон изҳори андеша намуданд.
